![\"\"](\"https://www.aravot.am/2009/aravot_arm/September/19/p13.jpg\")
Այսօր, վաղ առավոտյան, Բելառուսում ուսումնամարզական հավաքն ավարտած Հայաստանի ազատ ոճի ազգային հավաքականը գնաց Մոսկվա, որտեղից մեկնելու էր Դանիա՝ մասնակցելու Հերնինգ քաղաքում կայանալիք աշխարհի առաջնությանը: ՌԴ մայրաքաղաքում նրանց միանալու էր հանրապետության ըմբշամարտի ֆեդերացիայի փոխնախագահ Հրանտ Ենոքյանը: Նա երեկ ուշ երեկոյան «Առավոտի» հետ հեռախոսազրույցում ներկայացրեց, թե ովքեր են Դանիայում մտնելու մրցագորգ: Ֆեդերացիան մեր երկրի մարզական դրոշի պատիվը պաշտպանել վստահել է հետեւյալ անձանց.
55 կգ՝ Միհրան Ջաբուրյան
60 կգ՝ Արթուր Առաքելյան
66 կգ՝ Ժիրայր Հովհաննիսյան
74 կգ՝ Սուրեն Մարկոսյան
84 կգ՝ Հարություն Ենոքյան
96 կգ՝ Էդգար Ենոքյան
120 կգ՝ Ռուսլան Բասիեւ:
Հունահռոմեական ըմբշամարտի հանրապետության ազգային հավաքականի գլխավոր մարզիչ Լեւոն Ջուլֆալակյանը նույնպես հրապարակեց իր գլխավորած թիմի կազմը, որը մրցավայր ներկայանալու է սեպտեմբերի 23-ին: Նրանք են՝
55 կգ՝ Ռոման Ամոյան
60 կգ՝ Արտակ Հարությունյան
66 կգ՝ Սասուն Ղամբարյան
74 կգ՝ Արսեն Ջուլֆալակյան
84 կգ՝ Արթուր Շահինյան
96 կգ՝ Արման Գեղամյան
120 կգ՝ Յուրի Պատրիկեեւ:
Թե Հրանտ Ենոքյանը, թե Լեւոն Ջուլֆալակյանը, ինչպես միշտ, խոստումներ չտվեցին: Սակայն երկուսն էլ հավաստիացրին, որ թիմերը նախապատրաստական փուլն անցկացրել են լիարժեք: Իսկ մեդալների մասին ասացին. «Եկեք Աստծուց առաջ չընկնենք»:
