Այս տարվա մայիսին ԵՊՀ ուսանողների, շրջանավարտների եւ հասարակայնության հետ կապերի գծով պրոռեկտոր Արսեն Քարամյանը նշանակվեց ՀՀ սպորտի եւ երիտասարդության հարցերի նախարարի տեղակալ: Մինչ այժմ Մայր բուհում Ա. Քարամյանի զբաղեցրած պաշտոնը թափուր է մնում, ուստի «Առավոտը» ԵՊՀ-ից հետաքրքրվեց՝ հնարավո՞ր է առաջիկայում նոր նշանակում, կամ այլ զարգացում: ԵՊՀ հասարակայնության հետ կապերի եւ լրատվության վարչության պետ Կարեն Գրիգորյանը մեզ հետ զրույցում նշեց. «Այդ մասին դեռ խոսակցություններ չկան: Պարոն Քարամյանի տեղափոխությունից հետո կառուցվածքային այդ միավորը դեռ գոյություն ունի, բայց թե հետո դա կմնա, թե կլուծարվի, դեռ պարզ չէ: Իսկ եթե լուծարվի, կամ լինի նոր նշանակում, դա անպայման պիտի տեղի ունենա ԵՊՀ ռեկտոր Արամ Սիմոնյանի նշանակմամբ»:
