Շախմատի համաշխարհային օլիմպիադայի հաղթող, գրոսմայստեր Գաբրիել Սարգսյանն այս օրերին գտնվում է Բելգիայի Անտվերպեն քաղաքում, որտեղ այսօրվանից մեկնարկում է «InventiChess 2009» շախմատի միջազգային փառատոնը:
ՖԻԴԵ-ի դասակարգմամբ 15-րդ կարգի (մասնակիցների միջին վարկանիշը 2610 է) դասվող այս փառատոնի գրոսմայստերական մրցաշարում հայաստանցու մրցակիցներ լինելու են գրոսմայստերներ Էտյեն Բակրոն (Ֆրանսիա), Էմիլ Սուտովսկին (Իսրայել), Կրիշնան Սաշիկիրանը (Հնդկաստան), Բարթոշ Սոչկոն (Լեհաստան), Դեյվիդ Հաուելը (Մեծ Բրիտանիա), Յան Թիմանը (Հոլանդիա), Աննա Մուզիչուկը (Ուկրաինա), Անտոանետա Ստեֆանովան (Բուլղարիա), ինչպես նաեւ միջազգային վարպետ Բարթ Միխիլսը (Բելգիա):
Այսօր կայանալիք մեկնարկային տուրում Գաբրիել Սարգսյանը, որը, մրցաշարում վարկանիշով երկրորդն է, սեւերով խաղալու է առաջատար Էտյեն Բակրոյի հետ:
