Երեկ Աֆղանստանի մայրաքաղաք Քաբուլում, ոչ հեռու այն թաղամասից, որտեղ բնակվում են օտարերկրյա դիվանագետներ, եւ գտնվում են նաեւ ԱՄՆ-ի ու Մեծ Բրիտանիայի դեսպանատները, էքստրեմիստ-մահապարտը ՆԱՏՕ-ի ուժերին պատկանող զրահամեքենա է պայթեցրել: Միջադեպին ականատես են եղել նաեւ «Reuters»-ի լրագրողները, որոնց փոխանցմամբ, կան զոհեր եւ վիրավորներ: Վերջիններիս օգնության են հասել աֆղան զինվորականներն ու շտապօգնությունը: Զոհերի թիվը 16-ն է, որոնցից 6-ը իտալացիներ են, վիրավորներինը՝ ավելի քան 55, այդ թվում՝ 10 խաղաղ բնակիչներ: Հայտնի է նաեւ, որ ոչնչացվել է պայթյունի վայրին մոտ կանգնած մի քանի մեքենա: Պայթյունը, որի պատասխանատվությունը ստանձնել են թալիբները, տեղի է ունեցել Աֆղանստանի գործող նախագահ Համիդ Քարզայի՝ քաղաքի կենտրոնում գտնվող նախագահական նստավայրում տված ասուլիսից որոշ ժամանակ անց:
