Գրեթե ամեն օր Հանրապետական հիվանդանոցն ընդունում է Երեւանից եւ մարզերից ժամանած ծանր հղիություն տանող բազմաթիվ կանանց: Այստեղ մեծ թվով նորածիններ են ծնվում, որոնք հատուկ խնամք են պահանջում: Ուստի այս հիվանդանոցի նեոնատալոգիական բաժանմունքը, որտեղի մասնագետների հսկողության տակ են մնում հատուկ խնամք ունեցող նորածինները, բարձրակարգ տարատեսակ սարքավորումների կարիք է զգում: Հենց սա հաշվի առնելով էլ «ՎիվաՍելլ-ՄՏՍ»-ն Հանրապետական հիվանդանոցի նեոնատալոգիական բաժանմունքին (Պերինատոլոգիայի, մանկաբարձության եւ գինեկոլոգիայի ինստիտուտ) է հատկացրել ժամանակակից ինկուբատորներ, շնչառության ապահովման համակարգեր, մոնիտորներ եւ առաջին անհրաժեշտության այլ սարքավորումներ: Սա կատարվել է BirthLink հ/կ-ի մասնագետների հետ միասին, քանի որ այս ոլորտում հ/կ-ն մեծ փորձ ունի:
