Մեկ անգամ չէ «Առավոտը» գրել, որ Նոյեմբերյանում անասնագողություններ հաճախ են լինում: Եվ ահա մի քանի ամիս ընդմիջումից հետո կրկին Նոյեմբերյանի սահմանագոտում վերսկսվեցին անասնագողությունները: Սեպտեմբերի լույս 16-ի գիշերը Բաղանիս գյուղում առեւանգվել են Հրանտ Եդիգարյանի 26 կովը եւ ձին: Բաղանիսի բնակիչներից տեղեկացանք, որ անասնագողության հետքերը հարեւան Ոսկեվան գյուղի Խլեզձոր հանդամասով տանում են դեպի Ադրբեջանի հետ սահման: Տավուշի սահմանագոտում կատարված բազմաթիվ անասնագողություններն այդպես էլ չբացահայտված են մնում:
