2008 թվականի նոյեմբերի 24-ին Իջեւան քաղաքում առանձնակի դաժանությամբ սպանվել էր քաղաքի բնակիչ, Իջեւանի շուկայում տարադրամի փոխանակությամբ զբաղվող Վալերի Աղինյանը, նրանից հափշտակել էին 17 միլիոն դրամին համարժեք գումար: Սույն գործով դատավարությունը Տավուշի մարզի ընդհանուր իրավասության դատարանում ընթանում էր այս տարվա մայիսի վերջից, մեղադրյալի աթոռին երկուսն էին՝ 1977 թ. ծնված Արտակ Միշայի Ճաղարյանը եւ 1963 թ. ծնված Սամվել Գրիգորի Չապուխյանը: 2009 թ. սեպտեմբերի 16-ին Տավուշի մարզի ընդհանուր իրավասության դատարանը (դատավոր՝ Ռաֆիկ Մելքոնյան) մեղադրյալներին դատապարտեց ցմահ ազատազրկման: Դահլիճը դատավճիռները դիմավորեց ծափահարություններով:
