Մամուլում լուրեր են շրջանառվում, որ աշխատանքի եւ սոցիալական հարցերի նախարար Գեւորգ Պետրոսյանի հարաբերությունները կուսակցական ղեկավարների հետ՝ վատացել են: Ըստ այդ լուրերի, նախարարը հրաժարական է ներկայացրել ու այլեւս աշխատանքի չի ներկայանում՝ սպասելով կուսակցության վերջնական որոշմանը: Սակայն երեկ նախարարությունից «Առավոտին» պարզաբանեցին, որ Գեւորգ Պետրոսյանն առավոտյան աշխատանքի եղել է. «Մենք չենք կարող ասել՝ նա հրաժարական տվե՞լ է, թե՞ ոչ, բայց որ աշխատանքի գալիս է՝ հաստատ է»: Նախարարի հրաժարական տալու մասին «Բարգավաճ Հայաստան» կուսակցության մամուլի քարտուղար Բաղդասար Մհերյանն էլ հավաստիացրեց, որ «նման բան չկա: Գեւորգ Պետրոսյանը նախարար է եւ հրաժարական տալու համար պետք է դիմի ոչ թե կուսակցությանը, այլ՝ վարչապետին, իսկ այդ դեպքում պաշտոնապես կհրապարակվեր նրա հրաժարական տալու դիմումը»:
