Ֆուտբոլի Հայաստանի կանանց ազգային հավաքականի գլխավոր մարզիչ Սամվել Ադամյանը հրապարակել է այն ֆուտբոլիստների անունները, որոնց մարզչական շտաբը հրավիրել է նախապատրաստվելու սեպտեմբերի 19-ին «Հրազդան» ստադիոնում կայանալիք աշխարհի գավաթի Հայաստան-Ֆինլանդիա ընտրական հանդիպմանը: Նրանք են:
Դարպասապահներ.
Աննա Կարապետյան («Քոլեջ»), Քրիստինե Սարգսյան («Բանանց»):
Պաշտպաններ.
Արմինե Խաչատրյան («Բանանց»), Սյուզաննա Սայադյան («Քոլեջ»), Անի Ղուկասյան («Ֆուրման»), Ալիսա Խաչատրյան («Քոլեջ»), Մարինե Կարապետյան («Քոլեջ»), Արուսյակ Եփրեմյան («Բանանց»):
Կիսապաշտպաններ.
Քրիստինե Մանգասարյան («Բանանց»), Լիլիթ Կարապետյան («Բանանց»), Լուսինե Հովհաննիսյան («Քոլեջ»), Վարդինե Խանզադյան («Բանանց»), Քրիստինե Հակոբյան («Բանանց»), Մարիամ Ստեփանյան («Բանանց»):
Հարձակվողներ.
Էլեոնորա Դավթյան («Բանանց»), Քրիստինե Ալեքսանյան («Հոմենմեն», Լիբանան), Գայանե Կոսանյան («Հոմենմեն», Լիբանան), Հռիփսիմե Եփրեմյան («Քոլեջ»), Ազատուհի Համբարձումյան («Բանանց»):
Ըստ ՀՖՖ մամուլի քարտուղարության տարածած տեղեկատվության, մեր աղջիկների հավաքականն ուսումնամարզական հավաքը կսկսի հանդիպումից մեկ օր առաջ, սեպտեմբերի 18-ին՝ «Ռեժինե» հյուրանոցում: Դա կբավականացնի՞ պատշաճ մակարդակով նախապատրաստվելուն: Բնականաբար՝ ոչ: Առավել եւս, որ Հայաստանի կանանց առաջնություն մեզանում չի անցկացվում ու աղջիկները խաղային փորձ չունեն: Էլ չենք խոսում խաղադաշտում գոնե միմյանց հասկանալու կամ մշակված կոլեկտիվ գործողություններ կատարելու մասին:
