Համաձայն ԼՂՀ պաշտպանության նախարարության մամուլի ծառայության երեկ տարածած հաղորդագրության, սեպտեմբերի 14-ին եւ 15-ի ընթացքում ղարաբաղա-ադրբեջանական զորքերի շփման գոտու մի շարք հատվածներում արձանագրվել են հրադադարի ռեժիմի խախտման դեպքեր: «Հակառակորդը փոքր տրամաչափի հրաձգային զենքերից եւ դիպուկահար հրացաններից գնդակոծել է շփման գծի հարավ-արեւելյան, արեւելյան եւ հյուսիս-արեւելյան ուղղություններում տեղակայված ղարաբաղյան դիրքապահների հենակետերը:
Պաշտպանության բանակի առաջապահ ստորաբաժանումների ձեռնարկած պատասխան գործողություններից հետո հակառակորդը լռել է», ասվում է հաղորդագրության մեջ:
