«Առավոտի» երեկվա համարում տպագրված «Ինչո՞ւ են խռովել Գաֆեսճեանները» լուրում տեղեկացրել էինք, որ հանգստյան օրերին Կասկադից հանվում են Գաֆեսճեան թանգարանին պատկանող հանրահայտ արձանները:
Երեկ «Գաֆեսճեան» արվեստի կենտրոնի հանրային կապերի բաժնից տեղեկացրին, որ դրանք հանվել են Թամանյան պուրակում տեղադրվելու համար եւ ներկայումս այնտեղ են: Մեր այն հարցին, հավաստի՞ է այն տեղեկությունը, թե պարոն Գաֆեսճեանը եւ «Արմենիա» TV-ի սեփականատերը գժտվել են, պատասխանեցին, որ դրանք ընդամենը լուրեր են: ՆՓԱԿ-ի չֆինանսավորելու մասին էլ կենտրոնի հանրային կապերի բաժնից ասացին, որ իրավասու չեն մեկնաբանել:
