Մոսկվայում անցկացվող գրքի ամենամյա միջազգային ցուցահանդեսում Հայաստանը այս տարի 55 երկրներից 700 հրատարակչությունների շարքում արժանացել է երկու առաջին մրցանակի: Ինչպես «Ազատություն» ռադիոկայանին փոխանցեց մշակույթի նախարարության գրահրատարակչության գործակալության ղեկավար Էդվարդ Միլիտոնյանը, «ցուցահանդեսի շրջանակներում ամփոփվեց «ԱՊՀ-ի երկրների գրքարվեստ» մրցանակաբաշխությունը, որի 8 անվանակարգերից 2-ում՝ «Տպագրվել է ԱՊՀ-ում» եւ «Արտկնիգա», առաջին մրցանակներ ստացել են Հայաստանում հրատարակված գրքեր՝ պետական պատվերով հրատարակված «Գույնը միջնադարյան ճարտարապետության մեջ»՝ Վան Խաչատուրի գիրքն է, եւ Գագիկ Բաղդասարյանի «Երեւան» ալբոմը: Երկու գրքերն էլ տպագրվել են «Տիգրան Մեծ» հրատարակչությունում»:
