![\"\"](\"https://www.aravot.am/2009/aravot_arm/September/15/p33.jpg\")
Ուկրաինայի վարչապետ Յուլիա Տիմոշենկոն երկուշաբթի օրը հայտարարել է 2010թ. հունվարի 17-ին կայանալիք նախագահական ընտրություններին իր մասնակցության մասին: ԼՁԸՀ-ՁԸհհ -ի մատուցմամբ, այդ մասին երկրի վարչապետը հայտարարել է Ազգային սոցիալ-տնտեսական խորհրդի նիստի ժամանակ:
Փորձագետները գտնում են, որ Տիմոշենկոն նախագահի պաշտոնում ամենահիմնական թեկնածուներից մեկն է, թեեւ մեծ են նաեւ ընդդիմության առաջնորդ՝ «Տարածաշրջանների կուսակցության» նախագահ Վիկտոր Յանուկովիչի ընտրվելու հնարավորությունները: Առաջիկա ընտրություններին մասնակցելու մտադրություն ունի նաեւ Ուկրաինայի գործող նախագահ Վիկտոր Յուշչենկոն:
Ի դեպ, այս երկրում ձախակողմյան ուժերը՝ Կոմկուսը, Ձախ ուժերի միությունը, Սոցիալ-դեմոկրատական եւ «Արդարություն» կուսակցություններն արդեն հայտարարել են նախընտրական դաշինք ձեւավորելու եւ նախագահական ընտրություններին միասնական թեկնածուով հանդես գալու մասին: Վերլուծաբանները կանխատեսում են, որ այդ միասնական թեկնածուն լինելու է կոմունիստների առաջնորդ Պյոտոր Սիմոնենկոն:
