Նախօրեին Մոսկվայում միլիցիայի աշխատակիցները կալանել են մի հայաստանցու, որը փորձել է «Սեդմոյ կոնտինենտ» խանութից գողանալ մեկ շիշ օղի։ 23-ամյա ոչ մի տեղ չաշխատող կարգազանցին բերման են ենթարկել միլիցիայի մոտակա բաժանմունք։ «Իզվեստիա» թերթի փոխանցմամբ՝ որոշ ժամանակ անց բաժանմունքի մոտ հավաքվել է 25 մարդ։ Նրանք հարձակվել են ոստիկանների վրա եւ փորձել են դուրս հանել գողին։ Բախման ընթացքում ծեծի է ենթարկվել մի ոստիկան, բաժանմունքի ծառայողները «Կալաշնիկով» ինքնաձիգներից օդ են կրակել եւ ի վերջո ձերբակալել են եւս 7 մարդու, այդ թվում՝ օղու գողի եղբորը։
