Հանրապետության գլխավոր վարակաբան Արա Ասոյանը երեկ հայտարարել է, որ Սիսիանի թիվ 4 մանկապարտեզում գրանցված երեխաների թունավորումը եղել է սննդային: Հիշեցնենք, որ թունավորման պատճառով 25 երեխա բարձր ջերմությամբ տեղափոխվել հիվանդանոց: Ըստ Ա. Ասոյանի, այս պահին ծանր վիճակում գտնվող երեխաներ չկան: Համաճարակաբանը նշել է նաեւ, որ աղիքային վարակով խմբակային թունավորումը սովորաբար լինում է կոնկրետ օջախից, ինչի դեպքում թունավորված անձինք կարող են վարակել նաեւ մյուսներին: Ա. Ասոյանը վստահեցրել է, որ ամեն ինչ արվում է՝ վարակի 2-րդ ալիքից խուսափելու համար:
