![\"\"](\"https://www.aravot.am/2009/aravot_arm/September/10/p12.jpg\")
Ուկրաինայի արդարադատության նախարարությունը արգելել է ընդդիմադիր «Հայրենիք» կուսակցության գործունեությունը: Քաղաքական այս ուժը իրեն համարում է երկրի ռուսախոս բնակչության շահերի պաշտպանը եւ հանդես է գալիս ռուսերենը որպես երկրորդ պետական լեզու ճանաչելու եւ Ուկրաինայի դաշնային պետության ճանաչելու պահանջներով: Ուկրաինայի արդարադատության նախարարությունը չեղյալ է համարել կուսակցության գրանցումը եւ այդ քայլը հիմնավորել է նրանով, որ 2008թ.-ին նախարարությունը ոչ հավատարժան փաստաթղթեր է ստացել կուսակցությունից: 2009-ին այդ երկրի արդարադատության նախարարությանն էր դիմել Ուկրաինայի անվտանգության ծառայությունը՝ խնդրելով ստուգել, թե կուսակցությունը որքանով է հետեւում իր կանոնադրությանը, եւ քննարկել «Հայրենիքի» գրանցումը չեղյալ համարելու հնարավորությունը: Ուկրաինայի ազգայնական շարժման անդամները «Հայրենիք» կուսակցության առաջնորդ Իգոր Մարկովին մեղադրում են իրենց շարժման գրասենյակների եւ շարքային քաղաքացիների վրա հարձակումների մեջ եւ կուսակցությունը համարում են որպես՝ «ռուսական իմպերիալիզմի ձեռքի գործիք»:
