Նախկին դատապարտյալների «Հուսո առագաստ» հասարակական կազմակերպությունը Արմավիրի մշակույթի պալատում սեպտեմբերի 17-ին, ժ.17-ին կազմակերպել է հումորի երեկո՝ «Վերվարածների» մասնակցությամբ: Երեկոյի ողջ հասույթը անապահով ընտանիքներին, դատապարտյալներին կտրամադրվի բարեգործական նպատակներով:
Միջոցառմանն աջակցում է անձամբ մարզպետը՝ Աշոտ Ղահրամանյանը:
Կազմակերպության նախագահը՝ նախկինում դատապարտված Գեւորգ Կոշկարյանը երեկ «Առավոտին» տեղեկացրեց, որ սցենարը պատրաստել է ինքը, ինչը նշանակում է, որ կցուցադրվեն ազատազրկվածների իրական աշխարհից բերված հումորային դրվագներ:
