Երեկ ԼՂՀ ԱԳՆ-ն անդրադառնալով Ռոբերտ Բրադկեին ԵԱՀԿ Մինսկի խմբի ամերիկյան համանախագահի պաշտոնում նշանակելուն՝ հայտարարել է, որ «պատրաստ է այսուհետ եւս աշխատել ԵԱՀԿ ՄԽ համանախագահների, մասնավորապես, Ռոբերտ Բրադկեի հետ ադրբեջանա-ղարաբաղյան հակամարտության խաղաղ եւ արդարացի լուծմանը հասնելու համար:
Հուսով ենք, որ ԵԱՀԿ ՄԽ ԱՄՆ համանախագահի պաշտոնում փորձառու դիվանագետ Ռոբերտ Բրադկեի նշանակումը վկայում է այն մասին, որ ԱՄՆ-ն այսուհետ եւս լուրջ ուշադրություն կդարձնի ադրբեջանա-ղարաբաղյան հակամարտության կարգավորման գործընթացին եւ կնպաստի բանակցությունների լիարժեք ձեւաչափի վերականգնմանը՝ այն առումով, որ այս գործընթացը առաջ շարժվի եւ ունենա դրական արդյունքներ»:
