Բիլբաոյում մեկնարկել է շախմատի 2009 թվականի «Մեծ սաղավարտի» մրցաշարի եզրափակիչ փուլը՝ «Final Chess Masters»-ը, որին մասնակցում են Լեւոն Արոնյանը (Հայաստան), Ալեքսանդր Գրիշչուկը (Ռուսաստան), Ալեքսեյ Շիրովը (Իսպանիա) եւ Սերգեյ Կարյակինը (Ուկրաինա):
Մրցաշարի կանոնակարգով՝ մասնակիցները շրջանաձեւ մրցակարգով միմյանց հետ խաղատախտակների առջեւ նստելու են երկու անգամ: Հաղթանակի համար գրոսմայստերին շնորհվում է 3, ոչ-ոքիի՝ 1, իսկ պարտության դեպքում՝ 0 միավոր:
Հայաստանի լավագույն շախմատիստ Լեւոն Արոնյանն առաջին տուրում անհաջողության է մատնվել՝ պարտվելով Գրիշչուկին: Իսկ Կարյակին-Շիրով պայքարն ավարտվել է ոչ-ոքի: Երեկ պետք է կայանար երկրորդ տուրը, որում Արոնյանը հանդիպելու էր Կարյակինի, իսկ Գրիշչուկը՝ Շիրովի հետ:
