ԹԱՅՎԱՆԻ ՎԱՐՉԱՊԵՏԸ ՀՐԱԺԱՐԱԿԱՆ ՏՎԵՑ
«Reuters» գործակալության փոխանցմամբ, Թայվանի վարչապետ Լյու Չաո-Շուանը երկուշաբթի օրը անակնկալ կերպով հայտարարել է իր հրաժարականի մասին՝ հավելելով, որ իր օրինակին կհետեւի նաեւ նախարարների կաբինետը: Աղբյուրը հիշեցնում է, որ նախարարների կաբինետը վերջին օրերին ենթարկվում էր սուր քննադատության՝ կապված անցած ամիս կղզում տեղի ունեցած «Մորակոտ» ավերիչ հրաբխի հետեւանքները չեզոքացնելու անկարողության հետ: «Ես եմ գլխավոր կառավարիչն ու քաղաքական ողջ պատասխանատվությունը կրում եմ ես, ուստի՝ ես նախագահին ներկայացրել եմ իմ հրաժարականը»,- ասել է Լյուն:
