Սեպտեմբերի 6-ի երեկոյան պաշտոնական այցով Թուրքմենստան է ժամանել Վենեսուելայի Բոլիվարական Հանրապետության նախագահ Ուգո Չավեսը: ԼՁԸՀ-ՁԸհհ-ի մատուցմամբ, Չավեսը արեւմտյան կիսագնդի պետություններից առաջինի ղեկավարն է, որն այցելում է Թուրքմենստան: Վենեսուելայի նախագահի այցը Աշխաբադ գնահատվում է որպես «միջպետական երկխոսության սկիզբ, երկու բարեկամական երկրների միջեւ բազմակողմանի համագործակցության պատրաստակամություն»: Արդեն երեկ Վենեսուելայի նախագահը Թուրքմենստանի նախագահ Կուրբանգուլի Բերդիմուհամեդովի հետ հանդիպման ժամանակ առաջարկել է, որպեսզի այդ երկիրը, որպես Կենտրոնական Ասիայի խոշորագույն գազարդյունահանող, միանա բնական գազ արտահանող երկրների համաշխարհային միությանը՝ ՕՊԵԿ-ին: Հիշեցնենք, որ Չավեսը մինչեւ Թուրքմենստան ժամանելը այցելել էր Իրան, իսկ այս շաբաթ նախատեսվում են Վենեսուելայի նախագահի պաշտոնական այցելությունները նաեւ Բելառուս եւ Ռուսաստան:
