Երեկ ՀՀ ԱԺ պատգամավոր Խաչատուր Սուքիասյանը, որը մեղադրվում է «զանգվածային անկարգություններ կազմակերպելու» մեջ, երեկ հայտարարել է իր պատգամավորական մանդատը վայր դնելու մասին:
«ՀՀ Ազգային ժողովի պատգամավորների անսկզբունքային դիրքորոշման եւ անհասկանալի քվեարկության հետեւանքով իմ եւ իմ ԱԺ պատգամավոր գործընկերների հետ կատարվածը հիմք է տալիս ինձ գալու այն եզրահանգմանը, որ ես այս խորհրդարանում այլեւս անելիք չունեմ եւ ինձ չեմ պատկերացնում ՀՀ ԱԺ պատգամավորի կարգավիճակում, հետեւաբար՝ վայր եմ դնում իմ պատգամավորական մանդատը: Վստահ եմ, որ իմ ընտրողները կողջունեն իմ այս քայլը»,- օրենսդիրի իր մանդատից հրաժարվելը այսպես է փաստարկել Խ. Սուքիասյանը:
