«Դրամաշնորհային աջակցություն՝ սակավ ապահովված ֆերմերներին» ծրագրի շրջանակներում երեկ գյուղատնտեսության նախարար Գերասիմ Ալավերդյանն ու ճապոնական կառավարության ներկայացուցիչները 170 մլն իեն արժողությամբ դրամաշնորհի վերաբերյալ համաձայնագիր են կնքել: Նշենք, որ գյուղատնտեսական տեխնիկա ձեռք բերելու նպատակով ճապոնական կառավարությունը զարգացող երկրներին դրամաշնորհ է տրամադրում անվարձահատույց: Ըստ գյուղնախարարության պատասխանատուների, իրենք այդ գումարով ձեռք կբերեն, մասնավորապես, հացահատիկահավաք 5 կոմբայն եւ 30 տրակտոր՝ իր սարքավորումներով: Դրանք կգնվեն մրցութային կարգով:
