Սեպտեմբերի 3-ին Մոսկվայում կայացել է ԱՊՀ մասնակից երկրների անվտանգության մարմինների եւ հետախուզական ծառայությունների ղեկավարների հոբելյանական «10»-րդ խորհրդակցությունը:
Ինչպես հաղորդել են ՀՀ ԱԱԾ մամուլի կենտրոնից, Հայաստանի հատուկ ծառայությունների պատվիրակությունը գլխավորում էր ՀՀ ազգային անվտանգության ծառայության տնօրեն, գեներալ-լեյտենանտ Գ. Գ. Հակոբյանը:
Խորհրդակցության ընթացքում քննարկվել են միջազգային ահաբեկչության, կազմակերպված հանցավորության, թմրաբիզնեսի եւ թրաֆիքինգի դեմ պայքարի ոլորտում ԱՊՀ մասնակից-երկրների հատուկ ծառայությունների փոխհամագործակցության հարցեր:
