Եվրոպայի պատանիների անհատական 19-րդ առաջնությունում շախմատիստները շարունակում են պայքարը տղաների եւ աղջիկների հինգ տարիքային խմբերում հաղթողներին որոշելու համար:
Երրորդ տուրից հետո համեմատաբար բարվոք են մեր տղաների դիրքերը: Ասվածն առաջին հերթին վերաբերում է 14 տարեկանների պայքարում հարյուր տոկոսանոց արդյունքով մրցաշարային աղյուսակը գլխավորող Կարեն Գրիգորյանին: Նույնպիսի ցուցանիշ ունի, սակայն լրացուցիչ գործակիցներով չորրորդ տեղում է 16-ամյա Վահե Բաղդասարյանը:
Մյուս տարիքային խմբերում թեեւ չունենք առաջին հորիզոնական զբաղեցնողներ, սակայն երեք հոգի վերին հորիզոնականներում են եւ առաջատարներից ետ են մնում ընդամենը կես միավորով: Կարծում ենք՝ արժե նրանց անուններն էլ տալ:
12 տարեկաններ
Տիգրան Հարությունյան (8-րդ տեղ), Մանվել Պետրոսյան (18-րդ):
16 տարեկաններ
7. Ռոբերտ Աղասարյան:
Խոսելով մեր աղջիկների մասին՝ հարկադրված ենք առայժմ արձանագրել, որ լավագույն ցուցանիշն ունի 10 տարեկանների պայքարի մասնակից Միլենա Խորոտյանը, որը երկու միավորով 24-րդն է: Մյուսները տեղ են զբաղեցնում երրորդ տասնյակից ներքեւ:
Հուսանք, որ հաջորդ տուրերում նրանք կբարելավեն իրենց դիրքերը:
