«Առավոտի» տեղեկություններով, նախորդ օրը Բերդաձորում, սահմանը խախտելու պատրվակով, վրաց սահմանապահները բռնել եւ Թբիլիսիի ժամանակավոր պահման մեկուսարան են տարել 5 քաղաքացիների՝ Անդրանիկ, Սարգիս, Սերոբ Ղարիբյաններին, Արսեն Դավթյանին, Թենգիզ Մագդալասովին: Նրանք անտառապահներ են եւ պահպանում են Հայաստանի անտառները: Մեր աղբյուրի պնդմամբ, նրանցից յուրաքանչյուրը մինչդատական վարույթում պետք է իրավապահներին «մուծվի» 3000 լարի գրավ: Երեկ ազատազրկվածներին մեկուսարանում հանդիպել է փաստաբանը:
