Հոնկոնգի ծովափերից մեկում ստեղծվել է յուրօրինակ այգի։ Այն կրում է աստվածաշնչյան «Նոյյան տապան» անունը: Այգին մի հսկայական ժամանցային թեմատիկ համալիր է, որը գտնվում է Մա Վան կղզու ափին՝ Հոնկոնգից 20 րոպե հեռավորության վրա։ Թեմատիկ այգու կառուցվածքն արդեն արժանացել է Հոնկոնգի բնակչության եւ զբոսաշրջիկների հիացմունքին։ «Նոյյան տապանի» հիմնադիրների համաձայն՝ տապանն առաջինն է աշխարհում, որը կառուցվել է աստվածաշնչյան Նոյյան տապանի նույն չափերով։ Սակայն, ի տարբերություն աստվածաշնչյան եռահարկ տապանի, Հոնկոնգի տարբերակը հինգհարկանի է, որտեղ տեղ են գտել հյուրասրահները, ռեստորանները, ինչպես նաեւ 43 սենյականոց հյուրանոցը։
Այգում այցելուները կգտնեն աստվածաշ նչյան Նոյյան տապանի բոլոր կենդանիների իրական չափերով արհեստական նմուշները։ Բացի այդ, համալիրն առաջարկում է ժամանցային տարատեսակ սրահներ, խաղահրապարակներ եւ հանգստի գոտիներ։
Հոնգկոնգի «Նոյյան տապանը» ոչ թե կրոնական, այլ բնապահպանական, կրթական եւ մարդասիրական ուղերձ է կրում։ Ըստ Bloomberg-ի՝ բացման օրվանից ի վեր այն գրավել է ավելի քան 40 հազար այցելուի։
