Ռուսաստանի Վոլգոգրադի մարզի Սրեդնեախտուբայի շրջանի տարածքային ընտրական հանձնաժողովը գրանցել է սեւամորթ ռուսաստանցի Ժոակիմ Կրիմին՝ որպես շրջանային դումայի պատգամավորի թեկնածուի: «ՀԼԸ-ծՏՉՏրՑՌ»-ի փոխանցմամբ, չորեքշաբթի այդ մասին ասել է ՏԸՀ նախագահ Վիկտոր Սապոժնիկովը: 37-ամյա Ժոակիմ Կրիմը, որը Վոլգոգրադի մարզի Սրեդնեե Ախտուբա գյուղից է, լրագրողների հետ զրույցի ժամանակ խոստացել է, որ ընտրվելու դեպքում «առավոտից գիշեր նեգրի նման կաշխատի»՝ հանուն գյուղի բնակիչների:
Ծնունդով Գվինեա-Բիսաուից եւ մոտ 20 տարի առաջ Ռուսաստանում հաստատված այս սեւամորթն իրեն համարում է ռուս եւ ներկայանում է որպես՝ Վասիլի Իվանովիչ: Տեղական եւ արտասահմանյան ԶԼՄ-ները ձմերուկի վաճառքով զբաղվող Ժոակիմ Կրիմին հասցրել են անվանել «տեղացի Օբամա»՝ նկատի ունենալով նա մաշկի գույնը: Ու թեեւ նա 2008-ից ի վեր Ռուսաստանում իշխող «Միասնական Ռուսաստան» կուսակցության անդամ է, բայց առաջիկա ընտրություններում առաջադրվել է քաղաքացիական նախաձեռնությամբ: Ի դեպ, սեւամորթ թեկնածուն առաջիկա ընտրություններում մրցակցելու է եւս 8 թեկնածուների հետ:
