ԱԺ պատգամավոր Վիկտոր Դալլաքյանն այն կարծիքին է, որ եթե վավերացվի Հայաստանի Հանրապետության եւ Թուրքիայի միջեւ երկկողմանի հարաբերություններ հաստատելու մասին արձանագրությունը եւ Թուրքիան դրանից հետո անգամ իր իսկ կողմից փակված սահմանը չբացի, ապա դա Թուրքիայի համար կլինի անտրամաբանական քայլ եւ քաղաքական տեսանկյունից չափազանց խոցելի. «Հաստատել դիվանագիտական հարաբերություններ եւ չբացել սահմանը, նշանակում է ընկնել աբսուրդի գիրկը»,- ասաց պատգամավորը: Նաեւ այս երկու արձանագրությունների համար տրամաբանական համարեց այն, որ այս երկու արձանագրություններն էլ պետք է վավերացվեն: Ի դեպ, նույնի մասին զարմանք էր հայտնել ԱԳ նախկին նախարար Ալեքսանդր Արզումանյանը, նշելով, որ միջազգային պրակտիկայում նման բան չկա, երբ վավերացվում են արձանագրությունները:
