Այսօր Նկարիչների միությունում կբացվի եւ մինչեւ սեպտեմբերի 12-ը կշարունակվի արվեստագետ Մարիամ Հակոբյանի անհատական ցուցահանդեսը: Այն կներառի հեղինակի շուրջ 140 աշխատանք՝ քանդակ, գեղանկար, գրաֆիկա, տեղեկացնում է tert.am-ը: Մ. Հակոբյանն ավելի հայտնի է որպես քանդակագործ, նրա ստեղծած մոնումենտալ քանդակներն այսօր տեղադրված են ոչ միայն Հայաստանի տարբեր վայրերում, այլեւ Ռուսաստանում, Գերմանիայում, Լիտվայում, անգամ՝ Չինաստանում: Նա զբաղվում է նաեւ դասախոսություններով, հիմնել եւ ղեկավարում է «Նորեոն» ստեղծագործական կենտրոնը, Նկարիչների միության անդամ է 1979-ից:
