Մի շարք հայտնի արվեստագետներ Հայաստանից, Բուլղարիայից, Գերմանիայից, Հունաստանից, Իրանից, Թուրքիայից՝ երեկ Ստամբուլում մասնակցել են Խաղաղության օրվա առթիվ կազմակերպվող «Կոչ խաղաղության» անվամբ միջազգային փառատոնին: Ինչպես հաղորդում է «Մարմարան», Հայաստանը ներկայացրել է աշխարհահռչակ դուդուկահար Ջիվան Գասպարյանը: Միջազգային փառատոնի մասնակիցները, կրոնական հարանվանությունների ներկայացուցիչներ ու արվեստագետներ, միաձայն աղոթել են աշխարհի խաղաղության համար ու հանդես եկել կատարումներով:
