![\"\"](\"https://www.aravot.am/2009/aravot_arm/September/2/p23.jpg\")
Մոլդովայի կոմունիստական կուսակցությունը երեքշաբթի օրը դիմել է այդ երկրի Սահմանադրական դատարան՝ բողոքարկելով նորընտիր խորհրդարանի որոշումը՝ օրենսդիր մարմնի ղեկավարի պաշտոնում Լիբերալ կուսակցության առաջնորդ Միխայ Գիմպուի (նկարում)՝ օրենսդիր մարմնի նախագահի պաշտոնում ընտրվելու մասին: ԼՁԸՀ-ՁԸհհ-ի փոխանցմամբ, մոլդովացի կոմունիստների այդ որոշման մասին հայտարարել է կուսակցության քաղաքական գործադիր մարմնի անդամ Մարկ Տկաչուկը: «Մենք ՍԴ-ին խնդրում ենք ստուգել այդ որոշման սահմանադրականությունը»,- ասել է Տկաչուկը՝ հավելելով, որ Կոմկուսի խմբակցությունը, որպես բողոքի նշան, չի մասնակցելու խորհրդարանի սեպտեմբերի 2-ին կայանալիք նիստին, որովհետեւ մինչեւ սեպտեմբերի 4-ը իրենք ընդմիջում են վերցրել: Կոմունիստ օրենսդիրները պնդում են, որ անցյալ ուրբաթ օրը, երբ քվեարկության էր դրվել խորհրդարանի նախագահի ընտրության հարցը, Կոմկուսի խմբակցությունը ընդմիջում էր վերցրել, ինչը մեծամասնության կողմից անտեսվել էր եւ քվեարկության արդյունքում ընտրվել էր մեծամասնության՝ «Ալյանս՝ հանուն եվրոպական ինտեգրացիայի» կողմից առաջադրված թեկնածուն՝ առանց իրենց հետ հաշվի նստելու:
