Ֆրանսիացի Ալեն Ռոբերը, որ ստացել է «սարդ-մարդ» անունը, երեքշաբթի օրը «նվաճել» է Մալայզիայի մայրաքաղաք Կուալա-Լումպուրի «Պետրոնաս» երկնաքերի բարձունքը: Ինչպես փոխանցում է ֆրանսիական «Էֆ Է» գործակալությունը, Ռոբերը դա արել է արեւածագից առաջ, որպեսզի երկնաքերի անվտանգության ծառայության աշխատակիցներն իրեն չնկատեն: Արդյունքում նա կարողացել է առանց հատուկ հարմարանքների՝ 1 ժամ 45 րոպեում բարձրանալ 452 մետրանոց շենքի կտուրը, եւ արդյունքում, այնուամենայնիվ, ձերբակալվել է ոստիկանության կողմից: 47-ամյա ֆրանսիացին, ընդհանուր առմամբ, հաղթահարել է աշխարհի ավելի քան 80 բարձրահարկ շենք: Աղբյուրի մատուցմամբ, Ռոբերը առաջին անգամ բարձրահարկ շենք է «նվաճել» 11 տարեկան հասակում, երբ ստիպված է եղել բարձրանալ 8-րդ հարկում գտնվող իր տունը, որի բանալին մոռացած է եղել:
