![\"\"](\"https://www.aravot.am/2009/aravot_arm/September/1/p4.jpg\")
Համաշխարհային բանկը վերանայել է նախորդ ամիս Հայաստանի տնտեսության վերաբերյալ կատարած կանխատեսումները: Եթե ՀԲ-ի մասնագետները հուլիսին կանխատեսում էին, որ Հայաստանի ՀՆԱ-ն անկում կապրի 9 %-ով, ապա երեկ, ՀԲ երեւանյան գրասենյակի տնօրեն Արիստոմենե Վարուդակիսը լրագրողներին այլ տվյալներ ներկայացրեց: Ըստ այդմ, մեր տնտեսության անկումը 2009-ին կկազմի 12-14%, իսկ ինֆլյացիան կլինի 6%-ից ոչ ավելի: Ա. Վարուդակիսը նշել է նաեւ, որ մի շարք ոլորտներում, մասնավորապես՝ շինարարության, հանքարդյունաբերության եւ այլ բնագավառներում, նկատվող աճը թույլ է տալիս կանխատեսելու, որ տնտեսական անկման «պիկը» Հայաստանում անցել է:
