![\"\"](\"https://www.aravot.am/2009/aravot_arm/September/1/p12.jpg\")
Հայաստանում ԱՄՆ դեսպանությունն աջակցում է Հայաստանի եւ Թուրքիայի միջեւ շփումների զարգացմանը առանձին նախագծերի իրացման միջոցով: Ինչպես տեղեկացնում է ԱրմԻնֆո գործակալությունը՝ երեկ Հայաստանում ԱՄՆ դեսպանատանը կայացել է միջոցառում՝ նվիրված «Սովորել հանդուրժողականություն՝ ուսումնասիրելով անգլերեն» նախագծի շրջանակում Թուրքիայում կազմակերպված միջազգային ճամբարի 15 հայ մասնակիցների վերադարձին: Հայաստանում ԱՄՆ դեսպան Մարի Յովանովիչի ասելով, ծրագրի նպատակը հայ եւ թուրք պատանիների միջեւ փոխըմբռնման բարելավումն է: «Հայաստանի եւ Թուրքիայի միջեւ հարաբերությունների կարգավորումը կարեւոր է ինչպես մեծահասակների, այնպես էլ աճող սերնդի համար: Դա նրանց համար լայն հնարավորություններ կբացի տնտեսության եւ քաղաքականության ոլորտում»,- նշել է դեսպանը:
