«ԱրմենՏել» ընկերությունը որոշել է իջեցնել մեծածախ ինտերնետի սակագները: Ըստ ընկերության գլխավոր տնօրեն Իգոր Կլիմկոյի, նոր սակագները գործող գներից ցածր են 7-15%-ով: Ի. Կլիմկոյի խոսքերով. «Այս քայլը առաջին հերթին ուղղված է Հայաստանի ինտերնետ-ծառայությունների շուկայի հետագա ազատականացմանը եւ կնպաստի տեղեկատվական տեխնոլոգիաների ոլորտի զարգացմանը Հայաստանում»: Ընկերության լրատվական ծառայության տեղեկացմամբ, նախատեսվում է նոր սակագներով վերակնքել բոլոր գործող պայմանագրերը՝ TCP/IP տրաֆիկի միջազգային տրանզիտի ծառայության մատուցման վերաբերյալ, մինչեւ 2010-ի հունվարի 1-ը:
Նոր սակագները կգործեն 2009-ի սեպտեմբերի 15-ից:
