Շուրջ $6 միլիոնով «Արարատբանկը» ձեռք է բերել «Իզմիրլյան-Եվրասիա» վարկային կազմակերպության բաժնետոմսերի ամբողջ փաթեթը: Երեկ կայացած ասուլիսում այս մասին հայտնել է բանկի վարչության նախագահ Աշոտ Օսիպյանը:
Նա նշել է, որ իրենց կապիտալը բավարար է որեւէ նոր բանկ գնելու համար, սակայն «դեռեւս հարմար տարբերակ չկա»: Նշենք, որ «Արարատբանկի» բաժնետոմսերի 25% + 1 բաժնեմասը նախորդ տարի ձեռք է բերել Վերակառուցման եւ զարգացման եվրոպական բանկը: Իսկ բաժնետոմսերի մնացած մասի սեփականատերն է խոշոր գործարար, «Ֆլեշ» ընկերության սեփականատեր Բարսեղ Բեգլարյանը:
