«Մեր լեքսիկոնում մենք իսկապես շատ հաճախ շփոթում ենք պետություն եւ իշխանություն բառերը: Այս հարցը հատկապես առաջանում է, երբ խոսում ենք հայրենիքի մասին, եւ մարդիկ հարց են տալիս՝ ե՞րբ է վերջապես այս պետությունը մտածելու մեր մասին: Մարդկանց լեքսիկոն, նաեւ գիտակցություն է մտել մի շատ վատ զգացողություն, որ պետությունը եւ իշխանությունը նույնն են, եւ որ նույնն են նաեւ իշխանությունը եւ հայրենիքը: Իսկ այդ բառամթերքում, եթե պետությունը՝ ի դեմս իշխանության, չի մտահոգվում իր քաղաքացիների կյանքով, քաղաքացին իրավունք ունի իր հայրենիքի ճակատագրով չմտահոգվելու: Նման խոսակցությունները բարձրանում են այն դեպքերում, երբ մարդուն ուղղակի հարց ես տալիս հայրենիքի հետ կապված խնդիրներից, նա էլ ասում է՝ հայրենիքն իրենցն է, ես ինչո՞ւ պետք է մտածեմ հայրենիքի մասին»,- lragir.am-ին տված հարցազրույցում երեկ ասել է ազգագրագետ Հրանուշ Խառատյանը:
