Այս տարի, մարտի 6-ին, ՀՀ քաղաքացի Կարեն Պողոսյանը, որը Երեւանյան լճին հարող տարածքում, Բագրատունյաց փողոցի վրա, 1000 քմ սեփական հողատարածք ունի, այդ տարածքում էլ 500 քմ ընդհանուր մակերեսով շինանյութի խանութ, այդ տարածքի սեփականության վկայականի օրիգինալ տարբերակով հանդերձ հրավիրվել էր ՀՀ գլխավոր դատախազություն: Հրավիրողը եղել էր դատախազ Գագիկ Մարկոսյանը: Վերջինս վերցրել էր քաղաքացու սեփականության վկայականը, նայել ու «կոնֆիսկացրել» էր, Պողոսյանին բացատրելով, որ նրա սեփականությունը հայտնվել է «գլխավորի» «սեւ ցուցակում»: «Ես հարցրի՝ ի՞նչն ա պատճառը, ասեց՝ գլխավորը ձեռիցդ կվերցնի, կտեսնես»,- «Առավոտին» պատմեց Կ. Պողոսյանը: Սա դատախազ Մարկոսյանի կողմից ինքնիրավչություն, քաղաքացուն պատկանող փաստաթուղթը նրանից խաբեությամբ խլելու փաստ է: Բայց ավելի հետաքրքիր է դրա նախապատմությունը:
Կարդացեք վաղվա համարում:
