«Ժառանգություն» կուսակցության խորհրդարանական խմբակցության ղեկավար Արմեն Մարտիրոսյանը երեկ «tert.am»-ին ասել է, թե կիսում է այն մտահոգությունները, որոնք այսօր ունի լրագրողական հանրությունը՝ կապված ՀՀ ԱԺ-ում լրագրողների հավատարմագրման նոր կարգի հետ: Այն, պատգամավորի համոզմամբ, սահմանափակում է լրագրողների աշխատանքը: «ԱԺ-ն, ըստ էության, հասարակական բաց ամբիոն պետք է լինի եւ շատ հանգիստ լուսաբանվի: Խորհրդարանի աշխատանքը բավական յուրահատուկ է եւ պետք է լուսաբանվի ե՛ւ նիստերի ժամանակ, ե՛ւ նիստերից դուրս: Որեւէ խոչընդոտ լրագրողների համար չպետք է լինի»,- ասել է «Ժառանգություն» խմբակցության ղեկավարը՝ հավելելով, թե ինքը դրա առնչությամբ իր մտահոգության մասին հայտնել է ոչ միայն ՀՀ ԱԺ նախագահին, այլեւ մի քանի առաջարկություններ է արել:
