![\"\"](\"https://www.aravot.am/2009/aravot_arm/August/26/p1.jpg\")
«Ա1+»-ը հայտնում է, որ հուլիսի կեսերից «Սիստեմա» ընկերությունում անկախ տնօրենի պաշտոնը զբաղեցնող Ռոբերտ Քոչարյանը ընկերությունից աշխատավարձ չի ստանում: Այս մասին «Ա1+»-ի հարցմանն ի պատասխան ասել է Ռոբերտ Քոչարյանի մամուլի քարտուղար Վիկտոր Սողոմոնյանը: Փաստորեն, Ռոբերտ Քոչարյանը չի հրաժարվի ՀՀ պետական բյուջեից իրեն հասանելիք էքս-նախագահական թոշակից: Նկատենք, որ ՀՀ նախագահի աշխատավարձը օրենքով սահմանված է 408 հազար դրամ, իսկ պաշտոնաթող նախագահը ստանում է աշխատավարձի 80 տոկոսը, եթե նշված գումարից ավելի բարձր աշխատավարձով այլ աշխատանքի չի անցել: Վիկտոր Սողոմոնյանը «Ա1+»-ին նաեւ հիշեցրել է, որ Ռոբերտ Քոչարյանը «Սիստեմայում» բաժնետեր չէ եւ չունի ակտիվներ: «Ա1+»-ի հարցին՝ այդ դեպքում ինչո՞վ է զբաղվում «Սիստեմայում», մամուլի խոսնակը պատասխանել է. «Մասնակցում է կառավարիչների ժողովներին, որոշումների կայացմանը. աշխարհում ընդունված պրակտիկա է, որ երկրների նախկին ղեկավարները խոշոր կորպորացիաներում դառնում են կամ գործադիր մարմինների ղեկավարներ, կամ անկախ տնօրեններ. Շրյոդերի օրինակը, կարծում եմ, հիշում եք»:
