![\"\"](\"https://www.aravot.am/2009/aravot_arm/August/25/p5.jpg\")
Արշակունյաց 2 հասցեում գտնվող Մամուլի տան 16-րդ հարկում է գտնվում ժամանակակից նկարիչ Նիկոլ Աղաբաբյանի արվեստանոցը: 11 տարի շարունակ նկարիչն այն օգտագործել է առանց վնաս հասցնելու նույն շենքի «կենվորներին», կատարել հարդարման աշխատանքներ: Սակայն օրեր առաջ նրա արվեստանոցի պատուհանները ջարդվել են «Օրանժ» բջջային կապի նոր օպերատորի կողմից, որը մալուխներ է անցկացնում շենքի տանիքին: Բացի դրանից, կապավորները փակել են արվեստանոցի պատշգամբը, ինչպես Նիկոլն է ասում՝ «գնացքի գծեր» փռելով պատշգամբում: «Օրանժը» խոստացել էր պատ շարել, հանել «գնացքի գծերը», սակայն դեռ չի կատարել իր խոստումը: Նկարչին վրդովեցրել էր հատկապես այն, որ բջջայինի տղաներն իր բացակայությամբ էին մտել արվեստանոց՝ դրանով իսկ խախտելով իր իրավունքները:
