Ո՞ՒՐ ԵՆ ՄԱՆՐԱԿԵՐՏՆԵՐԸ
![\"\"](\"https://www.aravot.am/2009/aravot_arm/August/25/p21.jpg\")
Էջմիածնի հրապարակում՝ Մայր աթոռ տանող ճանապարհահատվածում տարիներ առաջ տեղադրվեցին Հայաստանի նշանավոր հուշարձանների մանրակերտները: Տուֆակերտ աշխատանքները տեղադրվեցին ապակյա «պահարաններում»: Բաց երկնքի տակ դրանք ապահով էին, անձեռնմխելի ու գեղեցիկ շուք էին հաղորդում քաղաքին:
Երեկ «պահարանները» հայտնաբերեցինք դատարկ: Եկեղեցիների մանրակերտները չկային:
Ապակյա «պահարաններից» շատերը կոտրված էին, անխնամ, եղածներն էլ՝ փոշոտ ու անլվա, միայն մի «պահարան» հիշեցրեց, որ այնտեղ մշակութային արժեք կա: Թե ո՞ւր են դրանք տարվել, ովքե՞ր են գողացել, ինչպե՞ս են անհետացել, ինչո՞ւ են մանրակերտների անհետացումից հետո մնացել ապակյա աղտեղությունները՝ հայտնի չէ:
ՄԻԿՈՅԱՆԻՆ ՀԱԶԻՎ «ՃԱՆԱՉԵՑԻՆ»
![\"\"](\"https://www.aravot.am/2009/aravot_arm/August/25/p6.jpg\")
Անաստաս Միկոյանի անունը կապվում է խորհրդային տարիների կուսակցական ազդեցիկ գործիչների շարքին:
Էջմիածնի քաղաքային այգի տեղափոխված Ա. Միկոյանի արձանը հազիվ «ճանաչեցինք»: Հուշարձանի վրա չէին նշված Միկոյանի անուն-ազգանունը, ծննդյան եւ մահվան թվերը, ինչպես որ դա ընդունված է: Ի դեպ, այգում գտնվողների շրջանում կազմակերպեցինք մինի-հարցում, թե ո՞ւմ արձանն է: 15 հարցվածներից միայն մի տարեց մարդ գիտեր, որ դա Ա. Միկոյանի հուշարձանն է:
