![\"\"](\"https://www.aravot.am/2009/aravot_arm/August/22/p15.jpg\")
Երեւանում կայանալիք ձյուդոյի Եվրոպայի երիտասարդական առաջնությանը մասնակցելու է նաեւ Ադրբեջանի ընտրանին: Որ հարեւան հանրապետության ձյուդոիստներն այսօր աշխարհում առաջատար դիրքեր են զբաղեցնում, վկայում են վերջին տարիներին աշխարհի ու Եվրոպայի առաջնություններում եւ ամենաբարձր մակարդակի մրցումներում նրանց նվաճած մեդալները:
Կասկածից վեր է, որ ադրբեջանցիները սրտի խորքում Բաքվում մեր ըմբիշների գործած հերոսությանը պատասխանելու վճռականությամբ են ժամանելու Հայաստան, ինչը, անկեղծ ասենք, նրանց կարողություններից վեր չէ: Ըստ շրջանառվող շշուկների, Ադրբեջանի նախագահը խոստացել է Երեւանում հաղթող ձյուդոիստներին ազգային հերոսի կոչում շնորհել եւ հսկայական պարգեւավճարներ տալ:
