Երեկ կայացած ՀՀ կառավարության նիստի ժամանակ կառավարությունը «ՀՀ 2009թ. պետական բյուջեում վերաբաշխում, ՀՀ կառավարության 2008թ. դեկտեմբերի 25-ի թիվ 1573-Ն որոշման մեջ փոփոխություններ կատարելու մասին» որոշման նախագծի կապակցությամբ, որ վերաբերվում է 2009թ. պետական բյուջեով նախատեսված «Ավագ դպրոցի համակարգի ներդրում» ծրագրի իրականացմանը, կառավարությունը հանձնարարել է երկօրյա ժամկետում ՀՀ ֆինանսների նախարարության հետ հարցը մեկ անգամ եւս քննարկել եւ անհրաժեշտության դեպքում լրամշակել: Նկատենք, որ մինչեւ ուսումնական տարվա սկիզբը մնացել է ընդամենը 9 օր:
Կառավարությունը իր 2009թ. ապրիլի 16-ի «ՀՀ պետական բուհերի 2009/2010թթ. ուստարվա՝ պետության կողմից ուսումնական նպաստների ձեւով ուսման վարձի լրիվ փոխհատուցմամբ (անվճար) եւ բուհերի կողմից ուսման վարձի մասնակի զեղչի կիրառման իրավունքով (վճարովի) առկա ուսուցմամբ բակալավրիատի կրթական ծրագրով տեղերն ըստ մասնագիտությունների հաստատելու մասին» N 401-Ն որոշման հավելվածի N 1 աղյուսակում լրացում է կատարել՝ «Լույս» հիմնադրամի կրթաթոշակառուներին հատկացնելով ինը տեղ: Այստեղ էլ նկատենք, որ «Լույս» հիմնադրամի կրթաթոշակառուները կարծես թե ՀՀ պետական բուհերի հետ որեւէ առնչություն պիտի որ չունենային…
