«Առավոտի» նախորդ համարում տպագրված «Օրանժի» հեռախոսակապը՝ նոյեմբերից» հրապարակման մեջ տեղի է ունեցել անճշտություն: Ընկերության գլխավոր տնօրեն Բրունո Դյութուան որեւէ կոնկրետ ժամկետ չնշելով, հայտնել է, որ «Օրանժ Արմենիան» պատրաստվում է շուկա մուտք գործել 2009 թ. տարեվերջին, այլ ոչ թե այս տարվա նոյեմբերից, ինչպես նշված է մեր հրապարակման մեջ: Ըստ ընկերության պատասխանատուների, հավանաբար, շփոթության պատճառ է դարձել այն, որ անցյալ տարվա նոյեմբեր ամսին իրենք ձեռք են բերել գործունեության լիցենզիան, եւ հարցազրույցում ասվել է, որ անցած տարվա նոյեմբերին կազմված ծրագրերը չեն փոխվել:
