Թուրքիայի Կարսի նահանգում A/H1N1 գրիպով վարակված լինելու կասկածանքով 4 տարեկան երեխա է հոսպիտալացվել: Այս մասին հայտնում են թուրքական լրատվամիջոցները: Կարսի նահանգի առողջապահության ծառայութան պետ Ֆահրի Սեւինչն ասել է, որ այդ երեխան Բելգիայից մեկնել է Գերմանիայի Քյոլն քաղաք, որտեղից էլ ինքնաթիռով եկել է Կարս եւ դեռ օդանավակայանում բուժզննման ժամանակ են հայտնաբերվել խոզագրիպի ախտանշաններ, մասնավորապես՝ բարձր ջերմություն:
