1998 թվականին Լենա Անտոնովան մնաց առանց բնակարանի:
Յակուտսկի նրա բնակարանը քանդման էր ենթարկվել: Քաղաքային իշխանությունների առաջարկած բնակարանային տարբերակներից նա միանշանակ հրաժարվել էր, քանի որ դրանք չէին համապատասխանում Բնակարանային կոդեքսին: Տուժած բնակարանատերը դիմել էր Ստրասբուրգի մարդու իրավունքների դատարան:
Այժմ Մարդու իրավունքների եվրոպական դատարանը վճռել է, որպեսզի Յակուտսկի քաղաքապետարանը Լենա Անտոնովային տրամադրի բարեկեցիկ բնակարան, գրում է SakhaNews-ը:
Երկու օր առաջ Յակուտսկի փոխքաղաքապետ Իգոր Օլեյնիկովը Եվրոպական դատարանի որոշման կապակցությամբ խորհրդակցություն է անցկացրել:
Օլեյնիկովի խոսքերով, իրենք միտում չունեն Ստրասբուրգի դատարանի որոշման հարցը ձգձգելու եւ մոտ օրերս աշխատանքներ կտարվեն փաստաթղթերի վերանայման համար:
