Ներքին ցանցի բարելավում
![\"\"](\"https://www.aravot.am/2009/aravot_arm/August/21/p8.jpg\")
Ինֆորմացիայի ազատության կենտրոնը ԱՄՆ Միջազգային զարգացման գործակալության օգնությամբ իրականացվող «Տեղեկատվության ազատությունը որպես համայնքային մասնակցության միջոց» ծրագրի շրջանակում օգոստոսի 18-ին Գեղարքունիքի մարզպետարանին անհատույց տրամադրեց 2 համակարգիչ` մարզպետարանում էլեկտրոնային կառավարման փաստաթղթաշրջանառության «Mulberry» համակարգը ներդնելուն աջակցելու նպատակով։
Ինչպես տեղեկացանք Գեղարքունիքի մարզպետարանից, այս տարվա հոկտեմբերին ՀՀ տարածքային կառավարման նախարարությունը Գեղարքունիքի մարզպետարանում ներդնելու է «Mulberry» համակարգը: Մինչ տարեվերջ՝ հանրապետության 23 համայնքներում նախատեսվում է ներդնել փաստաթղթաշրջանառության «Mulberry» համակարգ: Այս համակարգն էլեկտրոնային կառավարման ծրագիր է՝ նախատեսված Հայաստանի բոլոր քաղաքային, գյուղական եւ թաղային համայնքների համար: Էլեկտրոնային փաստաթղթաշրջանառության համակարգի շնորհիվ կբարձրանա աշխատանքների, ինչպես նաեւ քաղաքացիների սպասարկման արդյունավետությունը, քանի որ ներքին ցանցի միջոցով է կատարվելու նամակների եւ դիմումների շրջանառությունը:
