![\"\"](\"https://www.aravot.am/2009/aravot_arm/August/21/p1.jpg\")
Փաստահավաք խմբում Մարդու իրավունքների պաշտպանի ներկայացուցիչ Վահե Ստեփանյանը «Արմինֆո»-ին ասել է, որ որեւէ ակնկալիք չունի ԱԺ «մարտի 1-ի» հանձնաժողովի հրապարակելիք զեկույցից: Հարցին՝ Փաստահավաք խմբի ներկայացրած նյութերը, ձեր կարծիքով, բավարար չէի՞ն, որպեսզի Նիկոյանը համապատասխան նյութեր ունենար ձեռքի տակ, նա պատասխանել է. «Այդ հարցերի պատասխանը կարելի էր ստանալ նաեւ առանց Փաստահավաք խմբի նյութերի, սակայն նախաքննական մարմինը՝ հատուկ քննչական ծառայությունը, պետք է աշխատեր այդ ուղղությամբ՝ եւ հատուկ միջոցների կիրառման, եւ այլ հարցերի: Դա պրոֆեսիոնալների գործն էր, եւ հատուկ կառույցներ ստեղծելու կարիք ամենեւին էլ չկար: Ամենայն հավանականությամբ նրանք ցանկություն չունեին, դրա համար էլ որեւէ լուրջ բան չարեցին: Կարծում եմ՝ ամենեւին էլ հարկավոր չէ Շերլոկ Հոլմս լինել՝ այդ ամենը
բացահայտելու համար»:
